IMAG1444

香港茶餐廳

沙田某茶餐廳的「大早餐」:圖中食物外,尚有火腿通粉、咖啡或茶。食完可以唔食晏晝。

沙田某茶餐廳的「大早餐」:圖中食物外,尚有火腿通粉、咖啡或茶。食完可以唔食晏晝。

香港茶餐廳林立,近來因工作需要,光顧的次數頻密了,所以寫了一篇趣聞及三篇試食。

(2017 年 remaster 版本)

(一)粉嶺某大排檔

粉嶺某大排檔(2017 年按:現已執粒),午餐是:( 不過餐牌與本文無關)

午餐

牛肉公仔麵或通粉
火腿奄列
咖啡或茶
(凍飲加一元)

下午四時許,茶餐廳出現一名七、八歲孩童。以下節錄孩童與茶餐廳伙計對話。

(細:細路   伙:伙計)

伙:「細路,食乜嘢?」

細:「我要午餐。」

伙:「午餐晏晝先有㗎喎!」

(我立刻望望面前的午餐,一呆。)

細:「咁,快餐啦。」

伙:「快餐未必你想像中咁快喎。」

細:「咁,常餐呢?」

伙:「常餐唔係經常有。」

細:「晚餐啦。」

伙:「晚餐夜晚先有㗎,喂,細佬,究竟你想食乜㗎?」

細:「我唔知呀。」

伙:「車仔麵好冇?」

細:「但我冇車牌。」

伙:「你老豆有車牌咪得囉。」

細路結果被屈了食車仔麵。



未有留言

新增留言

留言板