「長鴻一號」貨輪擱淺+斷裂+沉沒 3 合 1
長鴻一號
2017 年貨輪「長鴻一號」遭颱風「天鴿」吹襲，被吹至南中國海小礁石擱淺；貨輪巨大，一年後仍未能移走，在 2018 年被另一颱風「山竹」蹂躪，慘被斷成兩截。
由於 2017 年擱淺時沒有傷亡，鮮有傳媒報導。早前到蚊尾洲遊覽時，經過附近航道，看見斷成兩截的巨輪，立刻搭通天地線前往。
貨輪擱淺的礁石只有幾百平方米，由幾百塊大小不一的石頭在海中心堆積而成，衛星圖上小小一小點。礁石上除了燈塔之外沒有其他建築。
「廣州海事測繪中心」影像可見，貨輪比礁石大，影像亦顯示「山竹」前貨輪狀況和位置與現時不同，估計貨輪於吹襲時斷開，前段向前移至現時位置，後段原地下沉，艦橋仍露出海面。
斷開前（來自「中國水運網」）。 
三維圖像（來自「中國水運網」）。 
多波束與三維激光數據圖像（來自「中國水運網」）。 
沉沒的船橋（左中）。 
傾斜的甲板。 
傾斜的甲板。
點上船？
長鴻一號與礁石最接近的位置雖然只相距約五米，卻是最光滑的船身 — 最接近亦是最困難！駭浪撲岸下，即場執生幾個方法~~~
呢个地方我最近都谂住去睇下，但系睇卫星图条船好似已经沉咗。
同埋都想问下你哋喺边度搭船出发？
未喺珠海搵到有船去蚊尾洲。
你好，當日我去時，船已經斷開兩截，前半段擱淺，後半段沉沒。經過一年多，好大機會當局已經清理咗。
我從桂山租船去。
蚊尾係另一個島，距離斷船好遠，我在珠海租船去。
唔该晒。
仲以为断船喺蚊尾洲旁边，睇卫星图以为真冇咗。
咁可唔可以了解下断船大概嘅位置？
你發電郵給我，我發給你位置。
喺大陆社交媒体睇到旧年3月有人去到
果位小姐係我朋友，佢都係在桂山租船去。我建議你先問問桂山的船家，佢地最清楚斷船情況（尚在？拆了？沉咗？），好過你去到先發現隻船已經冇咗。
【電郵地址隱藏】
唔该晒，我用Google Earth睇下。