開山掘路 — 大帽山越野單車徑 — 回顧田夫仔北段 + 建造河背繞道 + HD video

開幕日,義工大合照

開幕日,義工大合照

2012 年 12 月 9 日,「開山掘路」第三期工程展開。

第三期工程將建造一條由大帽山越野體驗徑附近至河背單車徑之替代路線「河背繞道」,取代現有因嚴重水土流失被破壞之路線。

一如以往,工程開始前會有簡單 workshop,教授開山技巧。最終目標為建造之單車徑不但達到國際水平,而且符合持續性要求,可多年使用。

第三期「河背繞道」工程進行,工友十分落力。

路面已成形。

回顧第二期工程

2002 年 1 月 — 大帽山越野單車徑田夫仔北段

漁護署繼上年完成了約長 400 米之越野單車體驗徑後,正與越野單車專家及義工開拓新越野單車徑,計劃全長約八公里,連接現有大帽山之越野單車徑。

現時香港之越野單車徑,除河背 downhill 路外,全部都只係將行山徑容許越野單車使用,並非為 100% 為越野單車所設計。越野單車體驗徑完成後,漁護署開拓另一條俾非新手玩嘅路線。

呢條八公里路線,由法國仔 BBQ 場附近開始,連接河背單車徑。路線由零開始開拓,穿梭郊野公園內渺無人煙之地。

一班義工,包括眾資深車手及漁護署人員、外國專家、郊野公園管理員等,上星期起開拓名為 Stage 1 路線 — 由 BBQ 場至山火瞭望台。工程約三月完成,到時 Stage 1 會以山火瞭望台為起點(現有越野單車徑至山火瞭望台會「暫時」改為合法路線),下坡至 BBQ 場。而當整條路線完成後,會以 BBQ 場為起點,終點為河背段。

路線由外國專家設計,大家合作開山掘路,完全以合符國際標準建造。

工程仍需要義工及車手幫助,現呼籲大家,有時間有心為香港單車界出一分力,就報名參加掘路工程啦!幾個月後,就可以響自己有份起嘅單車徑上飛馳;幾十年後,就同自己仔女講呢條路我有份起㗎。

眾「地盤佬」分配工具

開山掘路!

Refine 條路

為保護樹根,用石塊堆上面,再覆蓋泥土。

不過,生響路中心嘅樹就冇辦法了……

360 度髮夾彎完成了。

經過一天辛勞,完成了百多米上山路 — 原來要幾十人掘成日先掘到踩單車幾十秒嘅路程

2012 年 3 月 4 日

今朝開埋最後 150 米,stage 1 正式開通。Stage 2,即係通往大欖水塘約 8 公里之路線(開山掘路 — 田夫仔北、天門至永吉橋下山路),將於今年年底展開,希望到時呢班義工會帶多 d 人嚟參加。

「開山掘路」影片



There are no comments

Add yours