搬火車入博物館（下）九鐵 313 客卡入博物館

313 客卡……模型

2019 年年尾，當局以 1:1 模型測試能否以陸路把九廣鐵路 313 客卡搬入大埔香港鐵路博物館，可惜臨門一腳，運輸車抝唔到尾，入唔到博物館，失敗收場。

本來以為冇下文，豈料博物館竟然把門口大閘拆去，並鑿走部分圍牆，終於在五個月後的 2020 年 5 月 27 日凌晨，成功將客卡運入博物館。

客卡從昂船洲出發

下面影片：27 日凌晨，客卡從昂船洲出發，經九號幹線前往大埔，於大埔墟調頭，倒車進入香港鐵路博物館。

運輸車測試

下面影片：前一夜，即 5 月 26 日凌晨，運輸車進行測試，成功把模型運入博物館，於是翌晚正式進行運送。

仲有第四卡！？

差不多一年後的 2021 年 4 月，313 客卡對外開放，可惜，博物館將舊車卡改到鬼五馬六，失去車卡的韻味。不過，儘管珍貴車卡被香港鐵路博物館糟蹋，慶幸還有一卡仍保存原貌的同款車卡在香港以外 — 下面影片裏提及的「第四卡」究竟在哪裏？我將來會介紹，大家敬請留意！

三等櫈

我把九鐵舊三等客卡的木座位稱為三等櫈 — 313 和 002 號車卡（1921 年）的三等櫈的櫈腳是直。除此之外，還有另一款三等櫈，櫈腳是彎的，與我早前修復的木座位屬相同款式，大家可在 302 號（1911 年）、223 號（1955 年）及 229 號（1955 年）車卡坐一坐之餘，更不要錯過《真 . 硬座！復修九廣鐵路三等硬座》。