IMG_8597

復活節大小金門吃喝玩樂單車遊(2017 年 remaster 版本)

復活節一連五天,一行十一人,到大小金門以單車吃喝玩樂。

5-4-2012 晚深圳搭夜車往廈門,第朝日出到站,一覺訓醒到站。食過早餐後,搭船到金門。(2017 年按:三年前廈深高鐵開通,視乎班次,最快三小時可達,不用坐 9-12 小時通宵巴士了。)

來往廈門金門航線響近代中國政治發展有特別意義,被稱為「小三通航線」– 廈門有五通及東渡兩個來往金門嘅碼頭。我地由五通碼頭搭船,航程約半小時,完成簡單嘅「出入境手續」後,就「小三通」通咗到台灣(台灣省)。

2017 年 remaster 版本

之前同人講開金門,只係得一個年紀頗大嘅人知道金門屬於台灣/台灣省,而認識嘅 80、90 後全部都唔知金門嘅地理位置,好似以為台灣響台北入面一樣 — 即係一般美國中學生認知:香港響東京隔離一樣。至於金門的歷史背景,當然不知道。

入住離碼頭約半小時腳程嘅民宿,雙人房價錢約 NT$1800。而我住果間有兩層,上下各有一張床。 民宿乃閩式建築,約有九十年歷史,經翻新後批予來自台灣本島的營運者經營。(2017 年按:2012 年後也到過金門幾次,都是入住這小店,價錢沒有變,但面積大了,因為開發了旁邊的荒廢民居。)

大金門

第一天下午匆匆遊覽莒光樓、建功嶼及金城鎮民防坑道。

遊覽位於金城鎮巴士站旁邊嘅金城鎮民防坑道必須跟導賞團,導賞團每小時一團,每次限五人(計一計,一日做埋 30 人唔夠,一年做唔到好多遊客),所以我地一開二,第一隊遊覽金城鎮民防坑道,第二隊到莒光樓及建功嶼,之後行程互換。我帶完隊先到莒光樓,莒光樓統戰味重,不過若從遊客角度,只係一間展品不多的國軍歷史博物館,對金門歷史的闡述就不及小金門嘅烈嶼鄉文化館。因此,要了解金門,應把時間花在小金門嘅烈嶼鄉文化館。因此,我建議另一隊可以 skip 莒光樓,反而留多啲時間到建功嶼,因為趁潮退可以行 / 踩單車過去呢個小島,遠眺廈門,近看鄭成功像。

金城鎮民防坑道的體驗,請看頁尾的 video。



There are no comments

Add yours