復活節大小金門吃喝玩樂單車遊（2017 年 remaster 版本）
單車路線
第二天主要以金城鎮單車路線及金寧鄉單車路線遊覽，密集走訪十幾個景點。金門縣政府除免費向遊客借出單車外，響大小金門兩島規劃咗幾條單車旅遊路線，將大部分景點囊括，所到之處，指示清晰，就算唔帶地圖都唔會容易盪失。
2017 年按：原來很多人誤解「單車路線」和「單車徑」– 「單車路線」是指島上規劃的單車旅遊的建議路線，並非起了「單車徑」，換言之，單車與汽車共用道路，要留意安全及自身技術。
瓊林坑道係成個旅程唯一要收入場費嘅景點，收你十蚊台仔，就任你響入面玩，唔似金城鎮民防坑道有個講解員陪你左右（其實係全程夾實你）。
珠山聚落係一群閩式建築，裏面有「將軍第」、「大夫第」及「薛氏家廟」等歷史建築，可惜保存工作做得過火，顯得人工化，單車路線經過看看無妨，skip 也沒有損失，反正這類建築在國內有很多，更真實和更好看。
古寧頭不可不看
古寧頭不可不看，也要看得深入，因為古寧頭的博物館記載的近代國共交戰歷史與事實有巨大差別。至於有幾巨大？有幾差別？留待大家研究研究。
2017 年按：自民進黨上台後，博物館陳述的「所謂歷史」會不會又有不同呢？
翟山坑道由零開始，響個山入面掘個大洞，通往海邊，俾戰船泊入嚟。 
碉堡隨處可見。 
瓊林坑道。 
遊瓊林坑道，要向有陀地老村民付「入場費」。 
也許坑道的入口位於村公所，所以自然成為村的收入來源。 
珠山聚落。 
古寧頭戰場係近代中國史著名戰場，附近嘅慈湖對出海邊有比建功嶼更大嘅軍事設施。 
海灘上有荒廢坦克及連綿幾公里防禦遺跡。 
向大陸（敵軍）廣播用嘅「大喇叭」，不過此非真品。有興趣可細心去找，會發現「藝術品」三字。
睇多啲