IMAG1668

沙田頗有特色茶餐廳,不過眼睛生響頭殼上

呢間茶餐廳早前響電視出現過,有少少人氣,所以大家不約而同地叫我帶隊試試 / 參觀,結果分兩轉,一連兩日食咗兩個午飯。茶餐廳入口隱蔽,亦係呢個原因,好多人根本搵唔到入口。

主打特色,就係擺設 — 主色調為橙色,加埋將 d 垃圾唔似垃圾、藝術品一定唔係嘅「物品」通處放、大量過期漫畫、中古黑膠唱片,扮外國餐廳感覺 — 好多國家嘅遊客區入面,都有好多類似裝修嘅餐廳。點解會係「扮」?因為人地真係用藝術品、工藝品、民俗特色嘅東西嚟裝飾,唔係放 「垃圾唔似垃圾、藝術品一定唔係嘅嘢」。

兩日嚟,大家點過嘅有肥牛飯、白汁雞皇飯、咕嚕肉飯、牛雜粗麵、雲吞麵。肥牛飯。白汁雞皇飯及咕嚕肉飯一般茶餐廳水準,奇怪係肥牛飯同白汁雞皇飯都搭條香腸,十分騎呢。潮洲粉麵就強差人意;樓上有間頗有名氣的潮洲粉麵店,這間「外國 feel」餐廳不及本地貨。

餐飲有檸檬茶及檸檬水。大家都冇話少甜,但所有都係唔甜。請待應加糖水,佢話冇得加 — 可能因為上過一兩次電視,眼睛就生響頭殼上。



There are no comments

Add yours