「長鴻一號」貨輪擱淺+斷裂+沉沒 3 合 1
三個上船方法
一，貨輪長 188 米，有五個船艙，斷開位置在第三個艙（約第 100 米處），每個船艙都有樓梯通往甲板。當游到斷開部分，由於沒有船身阻擋，斷位面向幾米高湧浪，位置剛好是船艙之間的隔板，咦，樓梯不見了？！究竟是淹沒在浪濤，抑或隨船尾沉入海中？
二，船頭的圓鼻（球鼻艏）已露出海面。從礁石游去船頭只是短短幾十米，沿錨鏈爬上圓鼻，能夠從錨鏈口進入船艙嗎？
三，船身有一條懸空的繩梯，梯子末端距離海面十幾米。從湧浪攀上紅色水線，還有遙遙十米手指就觸到繩梯，我的手能伸長十米嗎？
最後點搞？請睇影片再自己估。
π 裂痕
上到甲板，赫見三條貫穿全船的裂痕，貨輪被切割成四截，形成 π 形。船身傾側約 20 度，僅靠外殼和幾個支撐位維持住船的結構。
跳過兩個裂口往左舷，這邊船身傾斜接近 30 度！船艙入水，變成三個「標準游池」（其餘兩個沉沒了），不過有少量油污，否則游水一流。
甲板上三台起重機搖搖欲墜，船身隨海浪拍打發出巨大金屬磨擦和碰撞聲，彷彿感到船正在慢慢傾側，隨時都會跌進海裏似，感覺超恐怖！
據報道，長鴻一號從台灣省航行至南沙，卸貨後吉船返台，不幸途中出事。2017 年出事前，貨輪已撞毀一次，修理完又出事！所謂禍不單行，所屬船公司旗下的其他兩艘輪船早年已沉沒和翻側，估計長鴻一號捱不過下一個颱風，隨時斷成數截沉沒海中。
呢个地方我最近都谂住去睇下，但系睇卫星图条船好似已经沉咗。
同埋都想问下你哋喺边度搭船出发？
未喺珠海搵到有船去蚊尾洲。
你好，當日我去時，船已經斷開兩截，前半段擱淺，後半段沉沒。經過一年多，好大機會當局已經清理咗。
我從桂山租船去。
蚊尾係另一個島，距離斷船好遠，我在珠海租船去。
唔该晒。
仲以为断船喺蚊尾洲旁边，睇卫星图以为真冇咗。
咁可唔可以了解下断船大概嘅位置？
你發電郵給我，我發給你位置。
喺大陆社交媒体睇到旧年3月有人去到
果位小姐係我朋友，佢都係在桂山租船去。我建議你先問問桂山的船家，佢地最清楚斷船情況（尚在？拆了？沉咗？），好過你去到先發現隻船已經冇咗。
【電郵地址隱藏】
唔该晒，我用Google Earth睇下。