IMAG1668

沙田頗有特色茶餐廳,不過眼睛生響頭殼上

  • 於 26-2-2020 更新
  • 呢間茶餐廳早前響電視出現過,有少少人氣,所以大家不約而同叫我帶隊試試 / 參觀,結果分兩轉,一連兩日食咗兩個午飯。茶餐廳入口隱蔽,亦係呢個原因,好多人根本搵唔到入口。

    主打特色,就係擺設 — 主色調為橙色南美 feel,加埋將啲垃圾唔似垃圾、藝術品一定唔係嘅「物品」通處放、過期漫畫、中古黑膠唱片,扮外國餐廳感覺(2019 年按:扮文青餐廳) — 好多國家嘅遊客區入面,都有類似裝修嘅餐廳。點解係「扮」?真嘢用真藝術品、工藝品、民俗特色嘅東西嚟裝飾,唔係放 「垃圾唔似垃圾、藝術品一定唔係」嘅物品。

    兩日嚟大家點過嘅有肥牛飯、白汁雞皇飯、咕嚕肉飯、牛雜粗麵、雲吞麵。肥牛飯、白汁雞皇飯及咕嚕肉飯屬一般茶餐廳水準,奇怪係肥牛飯同白汁雞皇飯都搭條香腸,十分騎呢。潮洲粉麵強差人意,其實同一商場樓上有間頗有名氣的潮洲粉麵店,「南美 feel」不及本地貨,大家不要入錯鋪頭。

    餐飲有檸檬茶及檸檬水。大家都冇 order 少甜,但全部都唔甜(2019 年按:幾年後「自動少冰少甜」已經成為香港茶餐廳新常態) 。請侍應加糖水,佢悔氣話

    冇得加!

    可能因為上過一兩次電視,於是眼睛就生響頭殼上。



    未有留言

    新增留言

    留言板