fly-kee

飛記茶檔 — 扮高檔茶餐廳(加「金屬狂人」食評)

〈本報訊〉監督 K 近日行經旺角登打士街與砵蘭街交界,見三間茶餐廳並排,最左的一間最 up dup, 於是入內。午餐能有七、八款,點了窩蛋免治牛肉飯。

師奶侍應好認真地將餐紙鋪好,刀、叉、匙排成“冂”形,一派西餐廳格局。

食物方面,湯很濃;窩蛋免治牛肉飯味道不錯,份量足夠。

過了幾天又光顧一次,今次點了蕃茄火腿絲飯(見圖)。

向「金屬狂人」推介此餐廳,「金屬狂人」後補以下食評:

應大佬基推介,今日去了旺角登打士街砵蘭街交界的飛記茶檔試食。入到去,亞姐侍應 (全部中年亞姐無後生) 已隨手打開兩個餐牌俾我睇,雖然已經係三點,除了下午茶外,仍有午市飯供應,因為這個時候較餓,所以點了飯餐,好多選擇,最後揀了白汁牛俐飯,奉送白湯, 凍奶茶。食物方面無太多野可以講,只能講唔錯,穩打穩紮,但凍奶茶我覺得只屬一般,加上今次只食了一樣野,不能作準。

來之前大佬基話呢度 up dup,我又唔覺,而且冷氣充足,食完後更可睇下電視,唔會急住走,但如大佬基及譚生所言,望望佢餐牌的選擇及餐具的擺放,確係好有餐廳 feel,可能真係平價扮高檔餐廳,若以這個白汁牛利飯來計,以 $32 有埋湯同飲品,而質素又不俗的話,確係比去那些 “高檔” 餐廳俾六七十蚊再加一食同樣既野好,而同區有部份茶餐廳有同類餐食,都可能要四十蚊,而服務可能比這裏差得遠,又多契弟,所以以今日的經驗,飛記茶檔絕對 去得過 !

 

環境:3
食物:4
衛生:4
服務:4
抵食:5
整體:4

(5 分滿分)

 

午餐

紅/白湯
天天一樣
咖啡或茶(凍飲加三皮)
$29



There are no comments

Add yours