india-2

炮台山印度餐廳訪問+食評

行山隊 Dash8 (舊名 Dash24)為備戰零九年環島行,兩星期前於港島徑進行例行訓練。

訓練前隊員們前往炮台山街市熟食中心午膳。隊員138-4向本報記者表示:「因隊伍經費不足,所以食唔起貴報過往推介嘅高級餐廳,只可以初一十五幫趁呢d草根食肆。」

記者隨Dash8抵達熟食中心,前面一印度籍中佬向各人招手。

隊員起初顯得猶豫,細問之下,隊員138-1姍姍欲語:「我地驚唔夠錢找數。」

看罷餐牌,發現價錢大衆化,衆人鬆一口氣。點了Masala魚、㗎喱雞、羊肉炒飯、芝士烤餅、洋蔥烤餅。

隊員138-4表示:「我地當經費不足時,只可以響山上食樹皮,所謂「樹皮當牛根、唔怕腳抽筋;樹根當人參,補氣又補身」。有一次響龍脊(港島徑第八段)吸霧水充饑,人地以為我地係神仙!又試過響金山同馬騮掙香蕉食。」

隊員138-1補充:「某次訓練時,我地響渣甸山山腳(港島徑第五段)見到隻箭豬,果次想捉佢黎補身,點知比佢走甩。一個星期後,竟然響同一地方見番佢。隻箭豬一見係我地四條友,即係衝過黎,果次好彩走得快!」

Masala魚、㗎喱雞先上。Masala魚色澤鮮艷,味道層次豐腴。由於我們要少辣,儘管對印度香料沒有認識,不過仍可分辨出多種香料。

㗎喱雞倒沒有甚麼驚喜。

令人雀躍的是羊肉炒飯。羊肉香(有些人認為是羶味)的濃烈,可以用「傾瀉」形容。鄰枱師奶走過來,說:「你地呢碟係乜?我下次都要叫嚟食。」

芝士烤餅清香而不刺鼻,洋蔥烤餅略嫌清淡,不過我們淋上㗎喱汁,則另有一番風味。

隊員138-4幾年前曾流浪印度一個月,他表示此店之所謂印度菜未必100%正宗。他叉起羊肉炒飯裏如乒乓波大小之羊肉,說::「印度除咗旅遊區之外,係好窮。響印度,特別係北部,你就算有錢,d餐廳都冇咁大舊肉賣比你。」

他亦表示,數月前遇見一位香港浪人,浪人剛浪完印度。兩人交流後,表示現今印度比當年更加窮,社會問題及矛盾更加嚴重。

「千祈唔好以為有好多外資投資印度,就以為印度好掂,其實係d基金佬呃你買乜乜金磚四國而老作乍!」

餐後,Dash8開始其嚴苛訓練。

據知,Dash8比賽當日最後以 7 小時 26 分完成50公里,排名15。

後來,記者於某場合訪問「金屬狂人」黃冷里表示,他亦是該印度餐廳捧場客。每次光臨,必擺出「金屬狂人」手勢,印度中佬必會熱情款待。

但記者奉勸讀者們,切勿隨便擺出「金屬狂人」手勢,特別是於餐廳外圍之街市,以免閣下被誤解為收陀地,招至血災。

 

 

 

 



There are no comments

Add yours