江湖室內大排檔『龍門客棧』

前日(七月十二日)為亞美的 PSP 東奔西跑,跑至深水埗,在福榮街附近發一間奇怪店鋪。店鋪正門貼了三幅毛澤東彩色車頭相,而其他位置則貼上許多廚師與李龍基、葉振棠等老餅歌星嘅合照,使 其正門及廚窗密不透光。最重要是正門外還有許多人排隊等待進內。譚大俠與獅子王等人好奇心作崇下便推開門一看……裏面竟然是一個大型室內大排檔!非常之多 人,而且感覺比起江湖火鍋店更加江湖,絕對稱得上『龍門客棧』。

譚大俠等人一進店,女掌櫃便問譚大俠:

女=女掌櫃 譚= 譚大俠

女:「客官!幾位呀?」

譚:「勞煩!三位。」

女:「有三位客官,小二帶路!」

話別!一名身高約五呎三吋高,身穿一件白色帶有北方外族味道服裝的店小二從混亂人群中以絕頂輕功、左閃 右避移至譚大俠等人面前,在『龍門客棧』非常混亂的情況之下,雙方八目交投,從經驗及本能告訴大家對方絕非泛泛之輩( 又係過氣香港漫畫海虎時常看到的對白 )。就在此時,有兩位無知情侶不知從哪裏冒出,走向店小二身旁絲絲細語,破壞緊張的氣氛,不到一會便被店小二大聲喝道:「請排隊!」那對情侶便面懵懵地走 出店外排隊。店小二回頭過來以傲慢的眼光投向譚大俠等人問道:

小=店小二 譚=譚大俠 獅=獅子王

小:「力拔山兮?幾多位?」

譚大俠心知絕非問幾多位咁簡單,心裏暗想一定同三幅毛澤東彩色車頭相有關。想起毛澤東便想起他艷情史;譚大俠二話不說便回應:

譚:「滋潤大補湯!三位。」

店小二再問:

小:「四海之內?搭唔搭?」

獅:「皆兄弟!一搭無妨。」

一輪答問後,店小二立刻以有善眼光帶領着譚大俠等人到指定高級貴賓座坐下,然後有一位漂亮姑娘招呼譚大俠等人及點菜。

今次大俠及獅子王等人點了五個小菜:「招牌燒腩仔」、「香脆沙拉骨」、「油泡腐乳田雞」、「豉椒炒大蜆」及「香蒜勝瓜清蒸開邊基圍蝦」。

「招牌燒腩仔」:與一般酒家的燒腩仔味道冇乜分別,但勝在附送乳豬醬及綠色芥辣一碟以便調味。

「香脆沙拉骨」:沙拉骨有少少似京都骨,不過加了卡夫醬做成一個汁。沙拉骨煎得非常香口,肉汁與酸辣卡夫醬混成一團,令食者開胃兼醒神!

「油泡腐乳田雞」:火氣好、鑊氣十足!田雞每一個部分都被腐乳包圍,能食出田雞的鮮味也能發揮腐乳的香味。二者味道配合得剛剛好,不會太鹹太淡。

「豉椒炒大蜆」:一般酒家的豉椒炒大蜆有三分之一都係闔口唔食得,可能係火氣問題或大蜆品質差,但在這裏只有三隻闔口,所以大家可以盡情享受豉椒炒大蜆之味美。

「香蒜勝瓜清蒸開邊基圍蝦」:一句勝瓜甜、蒜容香!開邊基圍蝦完全吸收了兩者之味道,真係又香又甜又鮮味!

最可惜由於發現此食店過份突然,所以未能拍照,以提供各位讀者一睹『龍門客棧』的情況!!