IMAG0855

崇光地庫兩間日式食肆簡評

幫趁了崇光地庫兩間日式食肆簡評,響香港大笪地寫了簡評,如下:

銅鑼灣小蜜蜂日式咖哩

“小蜜蜂”(化名)日式咖哩位於崇光地庫。當日點咗呢份午餐,一份日式牛肉咖哩飯+半份蕎麥麵。

味道還不錯,不過份量就細。請留意匙子的大小,就可以對比到碟飯有幾大。

價錢 $77,冇嘢飲。食完應該冇下次。

 

崇光地庫「北獅」日式拉麵店

試完食唔飽嘅「小蜜蜂」咖哩後,深深不忿,過幾日再去一次,不過響小蜜蜂門口行過去隔離果間「北獅」拉麵。

叫咗碗「珍寶海鮮拉麵」,醬油底。

麵上枱,夠大碗 — 起初擔心會好似坊間「港式」食肆,只係碗碟大得無倫,裏面食物「的的骰」。

湯夠熱、醬油香,味道好而不誇張。麵有淡淡蛋香,夠彈牙。曾吃過不少「港式日本拉麵」,湯又濃、味道重,用嚟撈飯都可以!麵和湯水準,當然不及真正日本廚師好,但比上不足,比下絕對有餘。

海鮮冇「港式海鮮」– 當然唔會有石班、龍蝦等,只係一般日式組合,包括蟹柳、帶子、蝦,另外搭幾塊叉燒及紫菜。

埋單 $82,至少食得飽。



There are no comments

Add yours