孖沙叉燒三蛋飯 By 黃冷里

係 LOVE DA 做左一個月, 附近好多野食, 但實質又無乜野食, 所以大家都係經常去兩間:孖沙茶餐廳或佳記。
個人對佳記好感不大, 因為無乜好食, 自稱手打麵, 但我覺得無乜特別;雲吞甩皮…..而孖沙, 地方極 up dup, 過左兩三點後, 就會淪為要乜無乜嘅情況。無飯食 ? 你衰樣衰囉, 有飯俾你食就真係算你好彩。阿姐無刻薄你啦 !!! 話雖如此, 此地的阿姐招呼手法十分另類, 口水多過茶, 聲線獨特, 或許保留了六十年代的風味, 甚有家人及好街坊的感覺, 令這茶餐廳給人一份”親切”的感覺, 難怪長期滿座, 而附近咁多好坐嘅茶餐廳要拍烏蠅。就係因為選擇頗少, 我好多時就揀左好普通嘅叉燒煎蛋飯。食過後, 這可算係我一生內食過最 X 正嘅叉燒煎蛋飯。首先, 好多茶記都會虐待你, 俾得一隻蛋你, 但孖沙的, 不是孖上, 而係俾夠你三隻蛋!!!呢碟飯, 一生人總要食一次, 因為它絕對表現出可謂真正美味的碟頭飯, 真誠嘅創作, 令人感動, 令人流淚, 不禁會想起農夫如何辛勤種大荳, 或製造商如何製造豉油地點方便, 母雞如何生蛋….

孖沙茶餐廳近上環地鐵站。 101, 104 等過海巴士可在孖沙街落, 遺憾係本人未能將碟飯拍下, 遲下才補回 !!

必備食品 !!! EAT OR DIE OR YOU SUCK !!!

Tracklist:

叉燒煎蛋飯
餐肉煎蛋飯
腸仔煎蛋飯
咖哩雞髀飯
冬瓜火腩飯
公司丁
凍奶茶
要乜無乜
賣晒飯啦
加乜又加物
咖哩雞髀飯炒底加雙腸 (remix)



There are no comments

Add yours