OLYMPUS DIGITAL CAMERA

「扒王 X 王」遇強敵 — 洗衣街越興園

OLYMPUS DIGITAL CAMERA九月七日晚,監督 K 與譚社長於旺角晚膳。

雖然旺角的食肆星羅棋佈,不過「要去既早已去過」,所以仍要諗一諗。

街邊魚蛋 + 煎釀三寶 — 今天中午已經食咗。
花園餐廳 — 幾天前已去過,點了三成熟牛扒,碟上。
蒸魚套餐 — 太遠。
豬油渣麵 — 幾天前亦去過。

日本麵 / 餐 — 旺角沒有正宗日本菜,只有香港式日本菜,和 Fusion 菜。

走到旺角洗衣街「越興園」門外,監督 K 突然想起上星期到過的乜 Q 越南棧 — 超稀湯(所謂「清湯」)加超多味精。

譚社長首先說:「呢間嘢好唔掂,唔好試。」

監督 K 回答:「未試過點知地獄有幾深?而且自己未食過,試下先知虛實。」

甫坐下,二人點了二人大餐。

  • 薄牛肉手卷
  • 焗青口
  • 牛油雞翼
  • 芝麻蝦球配白酒檸檬汁
  • 炸雞奄列飯配香橙乜 Q 汁
  • 特飲兩杯 + 甜品

焗青口先上,牛油味撲鼻而至。蒜蓉足夠,沒有某些食肆般 cheap 。再來,是薄牛肉手卷。咦,沒有牛肉肉香,應該是雪藏太久了。卷內包有粉絲,粉絲本身沒有味道,要依賴湯汁或肉汁的,所以,當牛肉沒有味道,粉絲的出現,令淡而無味的更淡而無味。

然後端上「炸雞奄列飯配香橙乜 Q 汁」及「芝麻蝦球配白酒檸檬汁」。芝麻蝦球裏找不到芝麻,想了一會,可能芝麻蝦球指利用「芝麻蝦」作蝦球,而非下芝麻到蝦球。

「白酒檸檬汁」和「香橙乜 Q 汁」無論顏色和味道是徹底的一樣。

本 來有附圖,不過譚社長的行貨 W900 映完相後,相片竟然消失了,所以廣大讀者們請自行幻想:「牛油雞翼」、「炸雞奄列飯」的炸雞,和「芝麻蝦球」的賣相是一樣的,因為它們是用相同炸漿炸。可 能你會認為,雖然炸漿相同,味道總會有所不同。錯,雞翼、炸雞,和蝦球的味道竟然相同!

特飲兩杯 — 我點了「醉心」 — 是藍汽酒 + 檸檬汁 + 薄荷。如果加多點薄荷和檸檬汁,口感會清涼很多,層次亦變得豐富。

正如「扒王 X 王」的厨師,有空請學習怎樣煎牛扒,洗衣街「越興園」的厨師,有空請到越南看看乜嘢先係越南菜。

我對食嘅心願係,正如「天才小廚師味吉陽一」入面嘅「味皇」,佢希望揾到世上最好嘅味道。而我希望揾到在「扒王 X 王」之下嘅食肆,就係所謂嘅「地獄之深潚裏嘅深潚」。洗衣街「越興園」請再努力!