新千年蟲

千年蟲呢家野早已 out date 。當年不少 I.T. 行業靠呢條水搵到唔少快錢，電腦商又靠滾 d PC 友 upgrade 部電腦去免被千年蟲炒一鑊（其實佢地已經比電腦商炒左一鑊）

好多 I.T. 精英當年搵既錢都用黎買左負資產既樓，又或者佢地已經比人裁 Q 左員。（呢樣係借題發揮，與本文章冇關）

不過，今日突然發覺本網頁竟然比新千年蟲襲擊！事緣本網頁 homepage 右上角一向有一個誠實的 counter ，由九七年本網頁開張至今六個年頭裡不停計住有幾多人大駕光臨。飲得杯落既係尋晚終於去到 99979，今日一睇，咦？調返轉頭去番可惜 90050 ！原來個 counter 得五個位，過唔到十萬架！

點解得五個位？當年（2000 年前）每日平均得個幾十人黎，加上 counter 冇篤數，計落起碼要十年先夠十萬，所以當年好自然咁放低，繼而忘記。

修理 counter 之餘，過兩日會 upload 新小說「平原」（預覽版），只供 Palm 機用。原因？將來或會告訴你們。

二零零三年七月＋七日

正確應該顯示 100050