請睇報紙及詢問

五月尾從大美利堅回港，終於呼吸到一口自由空氣，在香港在中國，不再有霸權主義、不再有假民主假自由；在香港，地方細，不過創作空間大得多。

九一一周年，有多少美國人反思過為乜自己國家會遭到襲擊？有多少美國人知道美國過去為左自己既利益，響亞洲及中東傷害了多少人既性命？踐踏了多少片土地？（如果你唔知道，請向歷史科老師詢問）

九一一周年，美國人借反恐佈主義，光明正大侵略別國。（好簡單，只要美國覺得你同恐佈主義組織有景轟，就郁你，駛乜理你聯合國批唔批準，呢 d 就係自由）

咦，美國經濟唔好喎，不如老屈下候賽因同拉登有聯系，拋下佢話出兵，托高 d 油價，又可以轉移對經濟唔好既視線，順便統戰下班天真神民。（如果你唔知道，請睇多 d 報紙）

回港後，有時聽見 d 白痴家長話美國點自由、美國點民主，我笑一笑，笑你無知，亦替你子女悲傷。

一人一票選總統？美國為左保障總統寶座一定由白人坐，所以冇此制度。（如果你唔知道，請睇多 d 報紙）

美國人受到法律的保障？美國法律係保障請得起律師既有錢人。（如果你唔知道，請睇多 d 報紙）

美國有言論自由？有，只要同政府方向一致，乜都可以吹，乜都可以作。（如果你唔知道，請睇多 d 報紙）

美國醫療好？美國醫療的確好，如果你負擔得起醫療保險。「有錢先有得醫」並唔係得中國大陸先有，響美國，冇醫療保險點算？先搵人擔保或自己簽紙保證夠錢找醫院條數先好上救傷車。（如果你唔知道，請向美國醫護人員詢問）

九一一周年，低能總統能夠被提名為諾貝爾和平獎候選人，哪麼下屆我提名拉登好了。

二零零二年十月十四日