倉頡輸入法 VS 十進制

日前看過香港錄影節目，主持訪問了城中一位名人。風花說月後，我猶然記起他的一句說話：「多數的人的想法是錯的。 」

我同意。

你或許說，這是自大、自我價值觀膨脹、自以為是、不可一世。

我說不。

的確，世界上窮比富多、愚蠢人比聰明人多、被減薪的打工仔比減員工薪的老闆多、一事無成又比有（一點）成就的人多。為甚麼？又是資本主義的陰靈野鬼作崇？

又的確，當大部分的人去追奉盈富基金時候，你偏偏跑去炒紅籌，跳樓的點會不是你？不過，現代富豪（白手興家的那種）不是多數在亂世裡渾水摸魚嗎？

突然發此奇想，因為近日幾位於大美國霸權下留學的友人不約而同道：「亞洲將來會比美洲好，回去了回去了！ 」

「何時起行？」我問道。

友人們：「香港經濟低迷，返去都冇工做；經濟轉好先返去才上策。」

我回答：「打劫當然要趁火；趁人人自危時渾水摸魚，總好過將來人人上晒岸你先跳落海慢慢游。」

友人們：「唔駛驚，如果你係掂，幾時都係掂！ 」

我：「咁又話返去都冇工做？ 」

友人們： 「﹒﹒﹒﹒﹒﹒」

友人們突然集體攪腸沙，離去。後來，有人說我執著，皆因大多數留學生畢業後會留美工作；別人這樣走，你不得不走，走偏點也不得。「邊有人一畢業就走架！？做人，要看遠一點，積多點工作經驗，咁早返去做乜 X 野？梗係羅埋綠卡先走啦！ 」留學生的心聲。

我心聲：「工作經驗？既然決意回流發展，倒不如省下點時間，學習倉頡輸入法和普通話。 」

又想起另一友人，土木工程系畢業。工程師，何等風光！儲了幾年工作經驗，回港後才知道大美國以外的世界已經用十進制了！

見工時，友人道：「我當然知道一米等於三尺三！ 」

僱主問：「哪麼，一百磅水泥等於幾多千克？ 」

「﹒﹒﹒﹒﹒﹒你怎會不是問我「點解我地要請你」之類問題？枉我一早便背熟了標準答案！總之放心，我上工前一定會學好十進制！何況我有幾年外國工作經驗 ！」

「返去等信通知啦 ！」

雖然友人最後知道一百磅水泥等於 45.4 千克，不過他亦風光地回去大美國，再儲多幾年工作經驗，儲埋綠卡先算。

佛家有云：「你感到別人執著，因為你比別人更執著。 」

二零零二年三月四日