請勿燒炭及吸煙

敦煌一面話執笠、失業率一面高企，茶樓任何時段一樣要等位，一樣逼 X 到爆。近曰上茶樓，一圍檯搭三圍客，一樣米養百樣人，三圍客各有一段故事，聽後頓覺三千大世界，契弟無數，世事無奇不有。且列出幾例，看各位有否相同經驗。

同檯之美國友人之雙親移民大美利堅十多年，大美利堅神民那種熱情（有人說是天真幼稚）和大無畏（所以低能總統耐不耐就做個 SHOW 出黎比世人笑下）一點也學不到，相反大美利堅既個人主義思想卻學習得比大美利堅神民還厲害。

無良雙親把友人既生活費、大學學費、上網費、燈油火蠟費統統計得一清二楚，每月更按時追討欠款，比銀行效率更高。友人常埋怨父母不近人情，我卻認為唔係乜大問題，因為響個人主義觀念下每個人只需要為自己而生活；社會同倫理只不過係所有人獨立生活下既副產品；人與人既關係不需要有任何非金錢和非利益既連系。換句話說，我同你傾計，只不過因為我同你有金錢上和利益上既需要。

所以中國人就落後了！中國人還嚷著乜 Q 忠孝仁義，真 outdate！友人亦落伍，因為仍為這種落伍思維而悲哀。

我道：「學成後，賺到錢，捐比公益金、乞衣、小童群抽會、響馬會和球場鋪完草皮後仲有錢剩，咪學下 d 「醜陋的中國人」（一本名著黎架，聽過未？）咁供養下佢地羅，不過一定要將 d 錢擲落地下，要佢地響地下慢慢執。響個人主義下，無論係天跌落黎，或者響地下執，一樣係錢，錢既價值係一樣。」

左搭檯是一名六、七十歲老翁，左手執煙，右手執烈酒。臉上皮膚已經發黑，差點聞到屍臭。此翁如雷暴跳地大講粗口，連同旁邊孫女型既女孩不時受到茶客指指點點。另一搭檯師奶（香港經濟不景，茶樓搭檯最多一圍搭三檯，當年一圍搭六、七檯已不復見矣。）蠢蠢欲動，我亦準備觀看師奶叉腰罵戰屍變老翁，好睇過哥斯拉大戰鋼鐵哥斯拉。

不料，黑衣部長捧著一壺壽眉，高速將之擲下，指著老翁破口大罵：「你食咁 X 多煙食 X 死你！」

右搭檯係條港燦型白痴仔，響二十一世紀仲以為食煙好 X 型，響禁煙地方照吸可也。講開食煙，香港 d 酒樓食肆商場交通工具已經全面禁煙，不過有 d 煙民響生 cancer 前仲係奉行個人主義，因此我有我食，你有你吸我二手煙，關我乜 X 事。

港燦型白痴仔比茶客白眼和指罵時仲擺出「想做就去做」、以為好 X 浪子，其實仲「也母」型過 F 乜 X 野 four 既表情同姿勢！唔知係上腦定上身，白痴仔一手執煙，一面話：「我幾時有食煙呀？」不過見到警察就即刻走都走唔切，甚麼個人主義、「呢 d 係我自由」等等言論已經拋諸腦後。

如果遇見此白痴仔或相似遭遇，請立刻報警求助，等 d 陀炮既黎調停。小人網頁瀏覽人數話多唔多，話少唔少，希望就此呼籲各界賢達支持下立法，禁止在所有公眾場所內吸煙。

最後，手機響起，係一名背脊仲「咩」住四、五百萬負資產既友人，又講起負資產同失業，我道：「你「咩」住層五百萬既樓都仲咁開心， d 契弟「咩」住唔夠一百萬就燒炭，真係羞家！」

友人道：「咪係，我有排都未駛死啦！依家 d 人都唔知點諗？」

香港以前咁成功，因為有友人呢類人存在，而且開頭講開果隻無良父母早已移民，不會再亂港亂中。為免羞家，如果負資產未夠五百萬既人仕，請勿燒炭及吸煙，以免污染空氣。

二零零二年六月二十九日