 |
威過做港奸！ 九七前，香港曾有一商界名人（現在已貴為政府官員），因其政治取向，被市民喻為「港奸」。事實上，此人都是為了一己商界利益，無可厚非。 不過，一星期前，收聽香港電台節目。有聽眾發表對香港旅遊事業之高見，言論勉強，甚有「港奸」風味。 一名帶鄉音之女仕來電，道：「我響香港出世，不過從未覺得香港有乜地方好玩，好似上年個乜野嘉年華，我一家人用左成三千幾蚊去玩，又要花成三個幾鐘頭先去到﹒﹒﹒﹒﹒﹒香港 d 旅遊景點全部都唔好，唔吸引，就算大嶼山個乜野大佛都唔好，要花時間迫車去﹒﹒﹒﹒﹒﹒」 我聽後，心暗笑：「不如將個嘉年華開響妳屋企樓下，搬個天壇大佛響妳天台好冇？」 接著另一聽眾電話，此回是男聽眾。此君一開始道：「我係響香港出世及長大既，不過我真係響香港搵唔到一處地方可以令我帶部相機去影下相﹒﹒﹒﹒﹒﹒」 香港真的如此一無事處？還是兩位聽眾來港尚淺，還未細味到香港除了污煙瘴氣外還有甚麼？九龍區，單是九龍公園、太空館和藝術館這鐵三角（再拖科學館）便可花你一個下午。乜話？文化程度太高，看不懂！唔緊要！過海上山頂睇香港全景，唔駛用腦。甚麼？雜誌和明信片裡看得太多了﹒﹒﹒﹒﹒﹒唔緊要！香港公園、薄夫林水塘、南區海灣、赤柱、淺水灣（清水灣不是在淺水灣隔離，請注意）、世界著名既海洋公園、動植物公睇馬騮。離島有水鄉大澳（已經建議將天壇大佛搬去妳屋企樓下，所以不作介紹）、鳳凰山睇日出、有飛機有古炮台既東涌、近排人氣急升既東堤。新界有廈村、大夫弟、聚星樓、道風山、萬佛寺、米埔、嘉道理農場。走遠點，知不知道鹿頸紅樹林吸引了多少外國人老遠跑來看？西貢海下的海水比你的尿和眼睛更清徹？了無人煙既荔枝窩和吉澳，望出去就是廣闊的太平洋，想像不到嗎？ 我沒有對著旅遊雜誌一面看一面抄。上面一口氣說出的地方，隨便一個真正土生土長的香港人都唸得出。我並不是歧視拿著單/雙程證的「香港人」或許已經住滿七年的「香港人」，只是有感兩位雌雄聽眾正在侮辱居住在香港的人和香港這地方。（我歧視的，是花國家公帑去外國留學，學成就死都唔返國家服務既「華裔學者」，和一邊話香港好中國好又袋著本外國護照既「回流人仕」。） 既不是為了一己利益，又不似有任何商業利益，雌雄聽眾唱衰香港，究竟居心何在？所謂「當局者清、旁觀者迷」（小學同學切勿亂用此字於作文上），我們不會知道。不過從一位於羅湖入境處工作的友人得知，有極少部分持單/雙程證人甫一入境，便劈頭大嚷：「你地香港有乜好？又難搵工作，車資又貴！」（友人暗道：「你老母，咁你又落黎？」）未唱完香港，就急不及待去申請「落地綜援」。 原因一：佢地為左令人覺得佢地唔係貪香港 d 乜，所以一定要唱反調，好似以前民主黨靠「逢中必反」先可以爭取到選票。 原因二：佢地鄉音未除，扮唔到香港人，因此仇視香港人。 原因三：比人裁員，仔女又唔生性，係都要扭計去乜 Q 嘉年華，因此借題發泄。 原因四：佢地黐 X 線。 如果響三年零八個月時代，佢地九成會去做漢奸。（威過做港奸！） 二零零二年四月十一日 |
|
